Lembe Lerintshwa: Grade 4 - 6: Reader

Vahlayi hinkwavo va vantshwa va ta nyanyuriwa na ku tsakisiwa hi xirungulwana lexi xa ku tsakisa-xa ku langutela, ku hiteka na ku tlangela-ku sukela eka papila ro sungula ku ya fika eka ro hetelela. Novhele leyi yi fambelana kwatsa na vutomi bya vona bya masiku hinkwawo, hikwalaho yi ta amukeriwa swinene hi vahlayi va vantshwa, leswi swi endlaka leswaku yi va yona yi nga hlawuriwaka ku hlayiwa exikolweni. Leswi mudyondzi a nga ta vuyeriwa hi swona: ya dyondzisa xikan'we na ku hungasa, yi hlohlotela mfuwo wa ku hlaya;ririmi leri tirhisiweke ra olova na ku twisiseka, naswona ri tirhisiwile hi ndlela yo kota ku antswisa ntivo-marito;khutaza nkoka wa ku kunguhata, ku veketela magoza lawa ma lavaka ku fikeleriwa na ku hlayisa, kambe yi komba leswaku hinkwaswo leswi i swa nkoka wa le hansi loko swi pimanisiwa na ku hanya vutomi hi ku hetiseka hilaha u nga kotaka ha kona;khutaza nhlayiseko eka ndzilo swibuluki swa ndzilo;yi na minghingiriko ya un'we-un'we nay a mintlawa leyi yi nga tirhisiwaka eka swikambelo. Conny Masocha Lubisi u ta hi le Dindleydale eBushbuckridge, naswona u tsarile mintlangu yo hlaya ya xiya-ni-moya yo tani hi Ndzi ta swi byela Mani? na A hi yeni! U hoxile xandla na le ka minhlengelo ya swirungulwana, naswona u tlhomiwile risiva ra ndzhangelo eka mimphikizano ya xiyimo xa le henhla a matsalwa ya ka Maskew Miller Longman na M-Net. Swibumabumelo swo huma eka vuahluri bya X. E. Mabaso:"Ririmi leri ri tirhisiweke ra olova swinene naswona ri ringanerile vana lavantshwa. Swimunhuhatwa na swiyimo i swa ntiyiso wa vutomi, naswona vana va nga twisis oa leswi swi humelelaka hi ku olova."